2017年7月28日 星期五

川淮居@沙田

7月話咁快又來到尾聲,又係時候基爾要稍稍郁下個blog,驚太耐唔update會有人以為喱度close了!



寫為食野應該最萬無一失吧!好耐無見的旅行腳之前分批聚了兩次,其中一次來到沙田,好少閒日來到新城市,似乎人潮是少一點。可能是趁暑假關係,這次大堂的展覽以camping旅行作主題,見好多大小朋友入去帳幕和旅行車上玩自拍。



旅行腳部份因為要返工,要晚一點會合,其餘休假或退休人士(咁快退休真羨慕呢!)都幾早到商場裏各自遊弋,基爾遊了一輪無甚收穫,還是先上預訂的茶樓霸位……



由於時間尚早關係(6點幾左右),店內其實食客不多,到了7點打後就開始陸續坐滿了,但觀察所見大部份都只係做一輪生意而已,可能始終是閒日無假日咁熱鬧吧!



Anyway,會合晒所有與會人士後就order了這個4人套餐(因為某銀行卡有折)。前菜這個麻醬青瓜粉皮基爾覺得清新得來又幾好食。



點喱個套餐因為見佢菜式都幾豐富,雞鴨魚蝦燉湯樣樣都有,大路得來又合胃口。說時遲那時快,桌上迅速地來了隻醉雞,濃濃的花雕酒香味,可謂雞不醉人人自醉(即係點)!



緊接著又到熱燙燙的燉湯登場,取名為「瑤柱花膠螺頭燉雞」,味道ok而且幾足料,人均可以飲到兩小碗,當然如果自己家裏煲的還是稍勝一籌(因為可以飲兩大碗)。至於那條金腿糟蒸黃花魚基爾不太懂欣賞,略嫌多骨但肉質算是鮮美,可惜嗜魚團友今次缺席否則必可大快朵頤。



這味乾燒明蝦球原本份量頗大碟,只是吃了大半才記起忘了影相(掛住講旅行經),基爾唯有快快手手撥返埋一小碟才補影返張相,所以賣相稍為打了折扣,原本係靚仔少少。



最後的重頭戲是片皮鴨,整體來說是average水平,沒驚喜也不會有失準之作。以埋單計人均$230左右計算是不過不失之選,當然最重要其實係可以坐足全晚,單單聽領隊未來一年半載的外遊大計,也是件賞心樂事呢!

川淮居 Sichuan Garden
沙田新城市廣場一期8樓801C號

66 則留言:

  1. 新春期間我也到川淮居午飯,頗不錯!

    回覆刪除
    回覆
    1. 坐得舒服又方便傾計,不錯之選

      刪除
  2. 就係羨慕果D早早可以退休,得閒週圍行下參觀下食下嘢、去下旅行嘅人士,悠閒地生活^^

    回覆刪除
    回覆
    1. 我諗你應該都得架喎^^

      刪除
    2. 我做嘢做到死死下架...

      刪除
    3. 你好勁啦咁忙仲可以成日介紹漫畫,好勁^^

      刪除
  3. 早退休固然令人羨慕,但最我羨慕的反而可以有朋皮常常聚聚,有吃有喝,吹吹下就一晚,你話係唔係幾好呢?

    回覆刪除
    回覆
    1. 咁又係幾好㗎,不過如果夠本錢可以提早退休就更好啦XXXXD

      刪除
  4. 外省菜糸...通常大集合
    其中我較like淮揚菜
    哩間有無甜品"驢打滾"
    少去沙田食飯,逛街街多

    回覆刪除
    回覆
    1. 都係㗎,多幾樣揀就可以擴闊少少客源丫嘛^^
      淮揚菜其實有咩特點我都唔係好知:P
      又唔見佢有喎,但我又無留意佢個甜品menu,記憶中係有個飲品嘅!
      逛街實在太多人了,通常有big sale我先去快掃一圈XXD

      刪除
  5. 閒日去好呀,可以坐耐啲,傾計又多點時間,起碼吾使一入出個侍應就同你講,用餐時間只有90分鐘>_<現在差不多間間食市都是得這個分段用餐時間﹗

    回覆刪除
    回覆
    1. 如果就到閒日就梗係揀閒日好,至少人少啲,價錢又抵食啲啲:P
      依家我都盡量唔揀有時限,實在太趕太沒趣了

      刪除
  6. 約定旅行腳出來,又有新行程大計傾?!
    既然有些腳自由身,只要㚒啱時間再出發唔難…

    回覆刪除
    回覆
    1. 暫時大計和小計都未有呀~~~~公司改制後今年的大假比較緊絀:P
      佢地自由身周時都出動啦,自由遊^^

      刪除
  7. 新城市假日真係唔敢去,多人到爆,去厠所都要排隊.

    回覆刪除
    回覆
    1. 男廁還ok因為好快手,女廁通常人龍排到出商場XXD

      刪除
  8. 呢餐睇落唔錯喎,比我想像中抵食。

    回覆刪除
    回覆
    1. EE:因為有某銀行卡所以叫做折咗,所以抵食啲啲:P

      刪除
  9. 新城市的食肆都係貴,不過坐得舒服又就腳囉。

    回覆刪除
    回覆
    1. 對,勝在夠就腳,如想食平啲也可行遠少少去稻香,平常我都係去稻香多:P

      刪除
  10. 食野唔係重點,重點係基爾大大計劃左咩外遊大計先:)
    難得有個地方可以慢慢坐真好,好多坐耐小小都想趕人咁...

    回覆刪除
    回覆
    1. 未有呀,我通常係耐過起高鐵㗎wakakakakakakaka......
      無計,依家舖租貴一定要做多幾輪生意,尤其旺區

      刪除
  11. 不限時的食肆,在旺區幾乎零!

    回覆刪除
    回覆
    1. 阿摩都是愛享受悠閒的一族^^

      刪除
  12. 個一輪生意又可以坐足一晚...即係唔會限時限刻要走,所以收費要貴少少

    回覆刪除
    回覆
    1. 如果食完即走都無乜所謂,但有時好耐無見的朋友飯聚就通常希望想坐耐啲啲,所以揀不限時好啲^^

      刪除
  13. I have been there for lunch. Quality is good.

    回覆刪除
    回覆
    1. 對,食物質素和服務水準其實也不錯,勝價比是合格水平^^

      刪除
  14. 坐得舒服食物又好, 幾個朋友傾偈最正! 啲燈光設計可知一、二 ...

    回覆刪除
    回覆
    1. 啲相係咪影到偏黃?我諗係忘了調校返個室內模式:P

      刪除
    2. 有啲相芒果啫喱色咁囉! :D

      刪除
    3. 又真係似加咗個芒果filter喎....XXXXD

      刪除
  15. 同朋友食飯最緊要坐得舒服又唔限時.

    回覆刪除
    回覆
    1. 絕對係啦,因為各有各忙其實好少機會有飯局丫嘛^^

      刪除
  16. 用食物來填補無旅行去的空虛.

    回覆刪除
    回覆
    1. 旅行痴的病徵,誰都可對號入座。

      刪除
    2. 看來你是這方面的治療專家....wakakakaka

      刪除
  17. 呢間都唔錯丫~重點要坐得舒服呢~因為同朋友傾計嘛~
    我都好鐘意聽朋友plan去旅行d野~~~聽下無得去都開心~

    回覆刪除
    回覆
    1. 你最知道啦周時都咁多公子飯局.....^^
      係呀係呀其實我都係聽下都已經幾開心wakakaka!
      喱排有點忙丫嘛:P

      刪除
    2. 忙咩je~番工忙磨~~~~
      哈哈~~我地唔算多飯局~~~我諗有時一個月都無一次~~~

      刪除
    3. 公私都有點忙囉:P
      飯局都唔駛多嘅,最緊要開心^^

      刪除
  18. 基爾成日都食好東西。羨慕食極都不胖!!
    我飲水都胖。。。。

    回覆刪除
    回覆
    1. 唔係喎肥咗好多㗎啦比讀書年代......XXXXD

      刪除
  19. 嘩'碟片皮鴨好鬼吸引呀!~
    個計人均$230都可以接受啦!~食到片皮鴨喎.

    回覆刪除
    回覆
    1. 如果同龍門客棧比我覺得好似龍門好一點,不過價錢唔同又唔可以咁計...:P

      刪除
  20. 一年半載!?正~ 我都要 plan 返個先~'
    不過坐成晚有無人比面色你睇呀?

    回覆刪除
    回覆
    1. 我以為銀哥應該周時都有planning㗎喎,係咪?!^^
      咁又無喎,我見好多台客都係坐足全晚,又無話要趕人走喎

      刪除
  21. 講吓啫~ 哈哈~ 一年半載要唔使do先得,努力中~

    回覆刪除
  22. 我都好耐冇去過沙田食飯lu……😅

    回覆刪除
    回覆
    1. 咁如果閒日放假都不妨去下^^

      刪除
  23. 唔限時間嘅食肆真係越來越少 , 坐得舒服唯有比貴少少呢~!!

    回覆刪除
    回覆
    1. 限時果啲唔考慮啦費事太趕無癮:P

      刪除