2013年8月8日 星期四

百變傳奇劉培基@文化博物館

手傷初癒要盡量避免去人多擠迫地方,今年放棄了去書展;不過依然揀了個周三博物館免費日,近近地去了沙田文化博物館。



雖然是暑假,但幸好也不算太多人,先去看「Fashion傳奇百變劉培基」的展覽,門口有個大大的頭像一定不會找不到。



劉培基除了是fashion designer外,也曾為不少藝人和公司擔任形象設計,上圖左是為國泰設計的空少制服,基爾覺得企領西裝外套設計很型仔,即使不是空少也想穿一穿!



除了最為人津津樂道的「百變梅艷芳」之外,劉培基在80年代也曾替不少歌手和藝人做過形象設計,喱一大堆陳年黑膠唱片封套會唔會勾起你的回憶?



不過講到尾始終以梅艷芳歷年以來層出不窮的舞台歌衫最具代表性,事實上這part幾乎佔了大半個展廳。



如果是「梅迷」一定認得晒這一系列各具特色的舞台歌衫,上圖左這襲韓味十足的就是來自《夢裏共醉》。



最矚目的要算是上圖這套紅色婚紗,因為是梅艷芳2003年底最後一次演唱會ending時穿的,手工設計之精細實在令人歎為觀止!值得一讚是展廳中央還擺放了LED大屏幕,剪輯播放了廿多年來梅艷芳穿上這一系列「百變戰衣」的演出片段,令人懷緬!



梅艷芳當年每次出碟幾乎都例必有令人眼前一亮的鮮明形象,每次都好令人期待,當然主要幕後功臣就是劉培基,除了《壞女孩》、《妖女》和《愛將》最爆之外,上圖的《似火探戈》和《烈艷紅唇》一樣咁令人嘩嘩聲。



相對上《傷心教堂》就較冷門少少,不過其實只要行近仔細睇這襲閃呤呤的純白婚紗都好搶眼,有興趣不妨上yt,search睇返個mv,就會見到這套婚紗有幾靚。



睇完靚衫之後,喱個角落就掛了不少劉培基與其他藝人名人的合照,不過基爾就被天花喱盞水晶大吊燈吸引了眼球,同他設計的fashion一樣華麗味十足。除了梅艷芳外,同場還有展出劉培基替白雪仙、阿姐汪明荃和羅文等設計的作品,上圖右是替何韻詩設計的演唱會歌衫,都幾sexy喎!

p.s.心水清的blog友可能會發覺搞乜今次基爾D相咁蒙查查,有點失準,原因其實係因為換了個新電話,當時還覺得奇怪無理由Sony Xperia的影相function會比以前部古董Samsung水皮咁多,結果返到屋企先發現純粹因為自己大懵忘了撕走鏡頭上那張保護貼!

2 則留言:

  1. 我對呢個展覽興趣仲大過李小龍,可惜仲未抽到時間去

    回覆刪除