2012年9月12日 星期三

濠餐廳@沙田

因為有六折coupon,所以特登請日假去喱間城門河畔的酒店食lunch buffet。由於基爾之前都幫襯過一兩次,所以大概知有乜野食,如果有六折都算抵食的!



門面其實一般啦!簡約為主,不過一邊窗係河景,另一邊係酒店泳池景(上次基爾見過有鬼鬼鴛鴦戲水),感覺上都幾有度假feel的。



冷盤熱葷其實都係一般野,不過喱日去到碰巧佢果大盤凍蝦都幾新鮮,所以都食左唔少,另外主力的仲有三文魚生和日本刺身,其他常見的中式點心餃子拉麵炒飯、各式牛羊豬烤肉和印度咖喱薄餅幾乎都無乜機會掂過,只是淺嘗即止,但都已經飽晒!



最主要係因為要留少少位放甜品,佢地D芝士蛋糕真係幾正的,每次一出就幾乎立即畀人掃清晒,有時如果閒日少客仲無第二round。



不過今次仲有個新發現,就係佢個雜果鋪滿面的拿破崙都好正,可惜實在太飽,只塞得落一件咁多!基爾最飛佛的木糠布甸最後亦只能塞得落一小杯,就要投降了……



雖然話飽到想去扣喉(基爾當然一定不會咁無衣食),不過最後都一定要多兩球青檸雪糕,因為上次來佢竟然話無晒青檸,今次一定要食返。大鄉里的基爾後來先知喱隻MOVENPICK係貴野黎,下次真係要留肚試多幾隻味先得喇!



除左雪糕之外,仲有好多款甜品,例如楊枝甘露、Tiramisu、焦糖燉蛋……齋望下都幾開心,bookmark定下次再來食過吧!
 
濠餐廳 L'eau Restaurant
沙田麗豪酒店3樓

沒有留言:

張貼留言