風從寶島來@日月潭

如果碧潭再玻璃些，就可以照我憂傷的側影
如果蚱蜢舟再蚱蜢些，我的憂傷就滅頂
八點半。吊橋還未醒，暑假剛開始
夏，正年輕

懶文藝的一個引子之後，回應返之前講的究竟係咩「特別任務」！由於日月潭到了晚上都無乜「蒲點」，很早就反民宿訓覺了，早訓的後果當然係早醒啦，加上基爾叔叔喱D年紀大唔訓得多，結果5:00am天未光就醒了。之前聽過「日月潭日出」是台灣十景之一，當然不可錯過，梳洗後6:00am前就出發。



剛過破曉時份的水社碼頭完全係人影唔多隻，連晨運伯伯嬸嬸都唔見，四周除了有同基爾一樣早起的雀仔之外，就只剩下日月潭整片寧靜世界！



再去行多一遍涵碧步道和梅荷園吧，反正步道不太長，正好可作基爾晨運之用。唔行由自可，一行先發現，晨曦中的日月潭真係靚到「tum」一聲……



湖面泛起了一層水霞，平靜得恍如仙女的鏡子，與之前去過的日本大正池有得比！也可能由於昨晚下過雨的關係，四周的空氣也格外清新，深呼吸一啖都充滿負離子，若住多幾年可能命都長D！



睇完湖中仙境之後又慢步返去民宿食早餐了！唔係講笑，雖然已經行左大半個鐘，但大街小巷仲係在睡夢中，只見到上圖右正駕著電單車返工去的哥哥。左上圖是民宿的後園，可在這裏食早餐；左下圖是民宿外一幅仿邵族的浮雕壁畫。