2012年6月19日 星期二

麵屋武藏@觀塘

之前聽人講話apm這間新開的日本拉麵店唔錯,某日行過就去幫襯下。啊~~~原來係以前KFC的一部份,商場將其中一角位再劃出來分租(即「劏舖」),果然識收租!



講翻喱間麵屋武藏,原來來頭也不少,東京也有8間分店,還贏過多次全日本拉麵票選的第一名,可以說是如假包換的「日本一」,而apm這間店是12月才開業的。



去到當日由於唔想等位,所以提早到5點半就去食了。入到去坐近可盡覽廚房的吧台位,可以睇晒整個煮麵過程,幾個師傅仔在爐前忙過不停。至於餐牌則相當簡單,不會像味千那般多花款,主打的拉麵湯底有3款選擇﹕白武骨(原味豬骨湯)、黑武骨(黑蒜油豬骨湯)和赤武骨(秘製辣油豬骨湯)。



配料方麵同樣只有3款選擇﹕豚肉、叉燒和豚角煮,另還有一種沾汁麵。基爾初來甫到選了較穩陣的黑武骨叉燒豚肉拉麵,不過聽聞豚角煮和沾汁麵也不錯,下次再去的話要試下。



基爾覺得這款「黑武骨」確實比黑蒜油一丁好食N倍,可能係即叫即煮的關係,黑蒜油香味也非常濃,而且食落原來也相當飽,雖然70幾蚊碗但都算OK抵食。不過為免太寡,還是叫了一碟炸雞塊,炸雞本身只屬一般,但很喜歡它的wasabi醬汁,真係好正!香濃的玄米茶可說是錦上添花。埋單以人均一舊水有找計,絕對可以encore!
 
麵屋武藏 Menya Musashi
觀塘apm2樓 L21B號舖

6 則留言: