2009年6月22日 星期一

七仔換可樂Speaker

自問不算是超級忠實「可樂fans」,然而以往也曾貯過一些限量版、特別版的可樂罐,但後來都係嫌阻掟,丟了進垃圾筒。記憶中也曾換過幾件精緻的可樂精品,部分已送給了朋友,但有些還是留了下來,不過大部分早已忘記從什麼地方換回來。最近有空揭揭報紙時,無意間發現了一個七仔廣告,又重燃起貯可樂精品的興致。



究竟有乜咁吸引?咪就係上面這個「快樂工廠」特別版可樂罐Speaker囉!「快樂工廠」係乜?如果最近有留意廣告,應該有看過以下這個可口可樂廣告「Coca-Cola Happiness Factory」,故事內容確實係天馬行空,而且畫工精細佈局又複雜,簡直好睇過好多卡通片。由2007年第1輯開始,至今已是第3輯,港版「快樂工廠」廣告還找來容祖兒唱主題曲。

這次7仔推出換購的這款可樂Speaker,也是以Happiness Factory為主題,共有3款,分別是廣告中的3隻怪模怪樣的公仔造型。從報紙上的照片看,Speaker的手工也算OK,罐面的印刷算是幾精美,況且價錢也不貴(兩瓶500ml膠樽裝可樂+HKD$29.9),就拜托一位嗜可樂的同事換了以下這款Speaker回來。



雖然「快樂工廠」特別版罐裝可樂在外國早已有售,但在港似乎未見有推出市面,所以這款「快樂工廠」版Speaker可能會成為一眾可樂擁躉的最近收藏目標。據聞現時不少7仔分店已經換晒,唔知遲D會否有得炒呢?

沒有留言:

張貼留言